Poetika na usmenata knizevnost - 10.11.2008

Поради слабата посетеност на погоре спомнатиот час, а и поради важноста на неколкуте нешта кои ги кажа професорката, ќе се обидам накратко да изложам - во неколку потточки - најважното што се случуваше на Поетика на усмената книжевност:

• ПРЕДАВАЊЕ: за Народната книжевност и начините на кои истата била сфаќана почнувајќи од романтизмот, па се до Јакобсон, Проп, Данди, Баузингер, Дан бен Амос и уште пет-шест други што прв пат ги слушав; во основа, прилично интересно разгледување на постапната промена на значењето на зборот народ и низата импликации што истата ги донесува. Ни даде и материјали професорката, мислам дека утре ќе бидеме во можност да ги фотокопираме.
  
• КОЛОКВИУМ: Сега за сега, истиот не е закажан. Следната недела ќе гледаме некое предавање на погоре спомнатиот Дан бен Амос и неговите сфаќања за важноста на контекстот при проценувањето на тоа што е фолклорно, а што не. Сепак, некое време постоеше можност токму во понеделник да ни биде колоквиумот, па професорката ни објасни и како изгледа. Барем мое мислење е дека е прилично лесен и едноставен. Значи, професорката рече дека ќе има три прашања: 1. Краток историски преглед на развитокот на етнолошките студии (според Баузингер); 2. Денешното предавање (она што го појаснив погоре) и 3. Некое прашање за филмот „од чисто есеистички карактер“ (тоа е цитат на професорката); нешто од типот како романтичарскиот занес се проектира во денешната епоха и како истиот проектира националистички чувства што може да доведат до катастрофални последици.
  
• ПОСЕТЕНОСТ: Професорката се пожали на недоволната пос(в)етеност и потсети дека, во крајна линија, и дел од бодовите потекнуваат токму оттука. Истовремено, дека и дел од часовите бараат активно учество на студентите (што, исто така, носи бодови), а што е неможно ако нема студенти.
  

И тоа би било тоа. Ако нешто заборавив, се надевам дека некој од денес присутните ќе го додаде. Ако не - само уште да ве упатам кон ова место - тука се поставени моето и излагањето на Мицески за текстот на Баузингер.