Saem na kniga 2009

Како што дознавам, саемот оваа година ќе трае од 8 до 14 април - период што, за жал или за среќа, ни се поклопува со колоквиумската недела.

Колешке, ЗА СРЕЌА се поклопува со колоквиумската недела, да одмориме душа напатена компаратистичка и да кренеме глава од книга шетајќи на саем во набавка на нови книги
Колку што знам, и годинава саемот ќе биде панаѓур, без празнична атмосфера, без странски издавачи (добро, ќе има од србија, бугарија, албанија, хрватска), со тотално ист распоред на тезгулињата како секоја година. Како и да е, саемот и понатаму останува место кај што може да се купат книги по поволна, некогаш и безобразно евтина цена. Плус, многу ми се допаѓа кога има брдо книги на едно место
Е сега, финансиите тука се многу битни. На сметка имам уште 1000 денари, ќе се изгребам од некаде уште 1500, ама ако не дадат рата од стипендија за март до почеток на саемот, можам да се сликам.
Мислев да ставам список на желби, ама ќе ставам список на набавени книги после саем, оти „домашниот есап на пазар не излегува“
И уште една работа. Се плашам дека библиофилството ми се претвора во библиоманија. Знам дека се нема време од задолжителна „лектира“, ама се’ почесто можам да се пофалам со набавена отколку со прочитана литература. А тоа ич не е добро

Ете, бидна мојата
посета на саемот. Годинава немав посебни очекувања, затоа што, нормално, секоја
година е едно те исто. Панаѓурска атмосфера, млитави продавачи, млитави и
помалубројни од лани купувачи. Сепак, убаво е да се видат купишта книги на едно
место. Саемот сè уште останува место кај што може да се награбаат доста книги
за добра цена, па тоа и го направив Ќе го споделам списокот на набавени
книги со вас:

• Анета Попова - „Нај-кратки раскази“ (следам
  млади автори, а и кратката проза како жанр ме интересира)
  
• Такис Варвициотис - „Сведоштво на
  огледалото“ (мерак ми е да ги запознавам соседите преку поезија и
  уметност, а не преку политика)
  
• Звонко Џокиќ - „Креативен процес и
  психоанализа“ (ај да видиме што ќе каже психата)
  
• Севернофранцуска поезија (вишок
  стихови во библиотека не е на одмет)
  
• Цветан Тодоров - „Поетика“ (ај, нека
  има и книжевна теорија)
  
• Соња Стојменска Елзесер - „Компаративна
  книжевност“ (убав зборник, интересни текстови има)
  
• Вилијам Шекспир - „Кралот Лир“, „Макбет“,
  „Отело“, „Хамлет“ (конечно драмиве се преведени од оригинал, едно големо
  БРАВО за Драги Михајловски)
  
• Џон Милтон - „Загубениот рај“ (и
  повторно БРАВО за Драги Михајловски)
  
• Матеја Матевски - „Десет века шпанска
  поезија“ (ваква книга треба да се има дома)
  
• Милан Ѓурчинов - „Големата песна на
  Ацо Караманов“ (доста опфатна монографија за чудото од дете)
  
• Владимир Девиде - „Јапонската хаику
  поезија“(сакам хаику и добро е да ѕирнам во земјата-извор на таа поезија)
  
• Владимир Мартиновски - „Ехо од
  бранови“ (источните жанрови навлегуваат во Македонија, мислам дека е прв
  хаибун во земјава)
  
• Вилијам Фокнер - „Врева и бес“ (оваа
  и последниве книги долу оставиле значајна трага во романескната продукција
  на XX век)
  
• Томас Ман - „Волшебниот рид“
  
• Хулио Кортасар - „Куцкамен“
  
• Вирџинија Вулф - „Бранови“
  
• Франц Кафка - „Замок“
  

Ете, толку.
Отидов и завршив набавка за пола саат. Добро е што немаше гужва. Не одам пак,
може ќе има ученици

Во однос на моето мислење за саемот воопшто, изгледа дека во целост се согласувам со малиот на Рајна и Славе. Со мал додаток: откако почнавме со факултет јас се разочарувам а постериори и тоа не само поради изневереност на фонот на очекувања, туку и поради својот сопствен избор. Еве го токму него: мојот (нецелосен) список на книги купени од саемот:

• Хомер - „Одисеја“
  
• Радован Павловски - „Поезија I“, „Поезија II“ и „Отклучување на патиштата“
  
• Влада Урошевиќ - „Песни“
  
• Франц Кафка - „Преобразба“
  
• Платон/Ксенофонт - „Симпосиумска Ератологија“
  
• Витомир Митевски - „Сократ“, „Платон“ и „Аристотел“
  
• Лидија Капушевска-Дракулевска - „Поетика на несознајното“ и „Поетика на изненадувањето“
  
• Владимир Мартиновски - „Споредбени триптиси“
  
• Катица Ќулавкова - „Одлики на лириката“, „Теорија на интертекстуалноста“ (пр.) и „Херменевтика и поетика“ (пр.)
  
• Иван Џепаровски - „Естетика на играта“ (пр.)
  
• Труман Капоти - „Појадок кај Тифани“
  
• Ѓерѓ Лукач - „Теорија на романот“
  
• Разни автори - „Кинески раскази“
  
• Фонг Јоу Лан - „Кратка историја на кинеската философија“
  
• Љубиша Стојановиќ - „Неодминливи книжевни величини“
  
• Томе Саздов - „Фолкористички студии“
  
• Фанија Попова - „Македонската народна балада“
  

Ќе избегнам пишување на коментари зашто, сега за сега, и ги немам. Во некоја наредна порака ќе ги допишам и останатите книги.

Поради лимитиран буџет:
-Томас Ман - Смрт во Венеција
-Оскар Вајлд - Важно да си Богумил
-Бенжамен Констан - Адолф
-Ден Роудс - Антропологија (и сто други раскази)
-Набоков - Смеење во темница и Лолита
-Кафка - Пробразба
-Шопов - Поезија (старо издание на Култура, за само 30 денари)
-Збирка македонски народни умотворби во 5 тома на Верковиќ. Иако не сум голем фан на ваквата литература ми беше жал да не ги купам бидејќи беа само 100 денари! Сите заедно! Па можеби некогаш ќе ми притребаат.

...знам,знам... Ништо посебно...

Вести од Магор што може ќе го интересираат некого ->

Avtorite na Magor ke gi potpishuvaat svoite dela vo ponedelnik na shtandot na Magor vo vtorata hala, Skopski Saem. Ke gostuvaat:

1. Vlada Uroshevikj ("Nevestata na zmejot", "Cuda i cudovishta: za fantastikata vo slikarstvoto", "Izmisleni svetovi", "Pariski Prikazni", 10 toma izbrani dela)
2. Ermis Lafazanovski ("Nedela", "Hrapeshko", "Roman za oruzjeto", "Opishuvac", "Antropoloshki dijalozi")
3. Vladimir Martinovski (Sporedbeni triptisi", "Od slika do pesna", "Morska mesecina", "I voda i zemja i ogan i vozduh")
4. Elizabeta Sheleva ("Domot na pismoto", "Kulturoloshki esei", "Dom/Identitet", "Od dijalogizam do intertekstualnost", "Otvoreno pismo")
5. Tanja Uroshevikj ("Previd", "Akvamarin")
6. Lidija Kapushevska Drakulevska ("Poetika na nesoznajnoto", "Vo lavirintite na fantastikata", "Poetika na iznenaduvanjeto")
7. Ivica Dzeparovski ("Estetika na vozvishenoto", "Ubavina i umetnost", "Filozofski prikazni")
8. Meri Raleva ("Adolescencija, kriza, semejstvo")
9. Nenad Vujadinovic ("Nema da veruvate shto mi se sluci vecerva", "Princezata na shtrkovite")

Од повеќе од пола од горенаведените автори веќе имам потпис во индекс, само Влада ми се потпиша на поетска книга Мора да признаеме, нема многу рокенрол во потпишување стручна литература. Би земал потпис од Владимир, ама книгата што сакам да ми ја потпише е издание на Или-Или (кога сме кај тоа, ви ја препорачувам неговата „Ехо од бранови“, ептен е мила.) Нема смисла да се ставам на Магор штанд со книга од Или-Или.
Инаку, во врска со саемов ме нервираат некои написи во весниците. Еве, во „Време“ пишува дека саемот е слабо посетен и продажбата е тапа, а во „Шпиц“ дека и покрај економската криза продажбата е ок. И двата весника се повикуваат на изјави од издавачите Тие што биле и лани, знаат дека годинава саемот е многу помлитав. Арно ама, што да помислат тие што не одат на саем, а ќе ги прочитаат и „Време“ и „Шпиц“? Кој е во право?

Медиуми sucks!

Еве го мојот список од годинава.

1. Д. Х. Лоренс - Девицата и циганот
   
2. Вилијам Фокнер - Врева и бес
   
3. Клод Леви-Строс - Дивата мисла
   
4. Мирча Елијаде - Историја на идеите и религиските верувања (I - III)
   
5. Анастасија Ѓурчинова - Контексти
   
6. Влада Урошевиќ - Подземната палата
   
7. Влада Урошевиќ - Демони и галаксии
   
8. Јасна Котеска - Македонското женско писмо
   
9. Иван Џепароски (приредувач) - Естетика на играта
   
10. Катица Ќулавкова - Одлики на лириката
    
11. Катица Ќулавкова (приредувач) - Херменевтика и поетика
    
12. Катица Ќулавкова (приредувач) - Теорија на интертекстуалноста
    
13. Катица Ќулавкова - Поимник на книжевната теорија
    
14. Ѓерѓ Лукач - Теорија на романот