Nauchna rabotilnica za CRNA ARAPINA vo MANU

Во среда (25. 11) со почеток од 10 часот ќе се одржи научна работилница посветена на Црна Арапина како балканска и медитеранска фигура на меморија. Раководител на проектот во чии рамки се појавува оваа работилница, Interpretations: European Research Project for Poetics & Hermeneutics, е професорката Ќулавкова, која и не поканува да присуствуваме.

Свои излагања на работилницата покрај професорката Катица Ќулавкова, ќе имаат и нашите професори Владимир Мартиновски и Марија Ѓорѓиева Димова, но и некои други многу интересни проучувачи на книжевноста, како Јелена Лужина, Наташа Аврамовска, Витомир Митевски, итн. Еве детален список на учесниците, како и насловот на нивните излагања:

I дел

• Акад. Катица Ќулавкова : Различните мемориски вообразби на праобразецот на Белината и на Црнината
  
• Д-р Лидија Стојановиќ-Лафазановска: А-историската суштина на изведените етноними во балканскиот наративен фолклор
  
• Д-р Иван Џепароски: Црна Арапина и возвишеното
  
• Д-р Никос Чаусидис: Митската контекстуализација на црниот човек врз основа на артефактите од почвата на Македонија
  
• Д-р Лилјана Стошиќ: Нови аспекти на историскиот контекст на толкувањето на Црна Арапина
  
• Д-р Мируше Хоџа: Антрополошки аспекти на балканските фигури на меморија Болен Дојчин и Црна Арапина
  

II дел

• Д-р Јелена Лужина: Dolce Garbo или Мали наративи од арапско-медитеранскиот круг
  
• Акад. Витомир Митевски: Црна Арапина и Болен Дојчин во епската книжевност
  
• Д-р Танас Вражиновски: Црна Арапина, симболиката на ропството и македонската усна книжевност
  
• Д-р Соња Зоговиќ: Балканот, Црна Арапина и исламот во медитеранскиот свет
  
• Д-р Наташа Аврамовска: Драмите на Георги Сталев во контекст на фигурите на меморија Болен Дојчин и Бела Ангелина
  
• Д-р Мирлинда Крифца: Ѓерѓ Елез Алија во албанската книжевна традиција
  
• Д-р Владимир Мартиновски: Визуелните инкарнации на Црна Арапина и неговите аналогони
  
• Д-р Марија Ѓорѓиева: Мнемотехнички импликации на топосот
  
• М-р Валентина Божиновска: Болен Дојчин во современата македонска книжевност (есеј и перформанс)
  

Модератор на првиот дел ќе биде професорката Ќулафкова, а на вториот, професорот Џепароски.

Предвидено е работилницата да заврши околу 14 часот.

Ова може да биде интересно. Се надевам дека дел од учесниците ќе посветат дел од своите излагања на белото грло од кое се провикнува Црна Арапина

прекрасно беше............!

Еве видео записи од излагањата на професорката Марија и од на професорот Владимир.

Извинете за слабиот квалитет, посебно за аудиото кај излагањето на проф. Марија и за неможноста на камерата на мојот мобилен да се справи со светлината од проекторот кај излагањето на проф. Владимир.

Не дека се наши, ама супер се

хехехе тачноооо! =D