Pred i po nas! - Otvorena tribina / Studentsko dvizhenje!

Ова се настаните/луѓето што стојат зад налепниците „сомневај се во авторитетот на професорот“ што се појавија (ахем, ахем) по факултетите. Луѓето си имаат направено и еден вид на манифест, кажуваат точно што им е идејата (влегуваат и во филм со црвените петокраки, ама се` уште е симпатично), што планираат да прават и со која цел, итн. Првата трибина беше пред некој ден на Правен, а сега најавија караван и тоа со овие дати:

5 јуни, 2008
19:00 - 21:00
Филозофски факултет
амфитеатар #4
УКИМ

6 јуни, 2008
18:00 - 20:00
пред ЕТФ (електро)

9 јуни, 2008
19:00 - 21:00
ПМФ (Институт за антропологија и етнологија)


Краток опис од организаторот:

Quote :

Одбележување на настаните од 1968 - Фокусот ќе биде на улогата на
студентското движење некогаш и сега, таму и овде.. Освен историскиот
остврт и почитта кон оние кои застанаа на барикадите, збор ќе стане и
за ситуацијата во која денес се наоѓаат македонските студенти:
катастрофален систем, руинирани домови и најважно од се, примораноста
да се плаќаат баснословни суми на име партиципација за државното
образование; наспроти карикатурата од студентски организации, особено
Студентскиот Сојуз.

Една од целите на овој настан ќе биде и
запознавање и приближување на истомислениците и разгледување на
можностите за натамошно дејствување. Акцентот ќе биде ставен на
можностите да се бара намалување, ако не и УКИНУВАЊЕ на партиципацијата
на државните факултети.

Заинтересираните, колку што знам, можат да се приклучат во движењето на некоја од трибините или по меил. Јас, да соопштам, нема да го направам тоа, ама планирам во петок да одам пред ЕТФ; имајќи го утре терминот на филозофски ама и колоквиумот по теорија 2 следниот ден, чисто да видам како изгледа се`... ако е некој за, да се договориме.

Па би можеле да наминеме пред ЕТФ, а потоа од 20:00h на Лето со Моника во Кинотека. Ќе се договориме утре.

Инаку, искрено, пријатно ме изненадија студентиве - си мислев дека некаде умрел нивниот дух. Но во тој говор/манифест на Анастас Вангели има многу енергија. Многу повеќе отколку во кој и да е политички говор што бев приморан да го слушам во изминативе неколку недели по два пати дневно. Барем тоа е сигурно.

мене ми одговара така, пред ЕТФ од 6, па од 8 во кинотека...
ептен добар план.
се збунив прееска на школо, заборавив да ти кажам