antichki teatar stobi 2008

Драги споредувачи,

Конечно некаква информација околу античките трагедии кои ќе се играат во Стоби, а кои ги очекувавме од почетокот на вториот семестар од часојте по Хеленска. Имено Фиданка откако се отепала за да дојт до било каква информација, дознала дека фестивалот ќе се одржи од 24-30 јули. Податоци како време на одржување и пред се програма, од непознати причини се недостапни. Како и да е битно го имаме датумот, па ќе се собериме и шо знам јас, ќе ојме.

Читам дека форумов летово е ретко посетуван. Ако некој го посетит и е заинтересиран пишите овде па ќе се договориме. Мое мислење е дека периодов не е баш најпогоден, затоа што имат настани на сите страни. Охридско лето нуди примамливи случувања, почнувајќи од гостувањето на Теодосиј Спасов на Антички театар се до Калигула од Ками таму кон крајот на август. Инаку и по другиве градови имат културни лета (на пример Баклава ќе свирит битола на плоштад денојве) , покрај тоа Скопско културно, Прилепско културно, не знам Велешко културно лето.
Сепак фестивал на античка трагедија е нешто посебно и не би требало да го пропуштиме.
ај. ако прочитате. ако сакате да ојме

Колку културни настани, а јас одвај да сум запознаен со неколку - или Мицески станал Културен Информатор преку летово или јас треба сериозно да се засрамам од своето незнаење.

Всушност, друго сакав да кажам. Значи, горенаведената личност со место на живеалиште Охрид пред неколку часа ме извести дека во денешен Шпиц (24 јули 2008) имало текст посветен на фестивалот на античка драма и дека во истиот тој текст ја има напишано горе-долу и самата програма. И истата одела вака-некако:

• 24 јули, 21:00h - Свечено отворање со Лисицата и грозјето од Езоп (или Ајсоп);
  
• 25 јули - музички концерт на Љубојно;
  
• 26 јули - Сердарот во изведба на Скрб и Утеха;
  
• 27 јули - Филип II (монодрама)
  
• 28 јули - Лисистрата од Аристофан
  
• 29 јули - Unknown (TBA, hopefully)
  
• 30 јули - Бегалка во изведба на Штипскиот народен театар.
  

Мој впечаток е дека програмата е се само не програма за Фестивал на Античка драма. И единствените две нешта на што ќе бев одел беа Лисистрата и Лисицата и грозјето се додекаМицески не соопшти дека претставите ќе бидат изведени од Бугарска и Руска театарска група. Така што јас воопшто не сакам да ја имам улогата на иницијатор за одење, зашто единствена можност такво нешто да се случи е ако се соберат повеќе луѓе и ако навистина постои желба да се посети некоја претстава.
И да не заборавам - благодарност до Фиданче за известувањето. Уште малку и јас сосема ќе заборавев на Фестивалот.