Upisi 2010/2011

Не знам дали е до мене, но оваа година уплатниците ми личат како да се‘ повеќе и се‘ побесцелни.
Поставив 2-3 прашања до ЕКТС службата:

Дали е обврзно да се плати ИКСА на УКИМ?

Во документите исто така има уплатница за Студентски парламент на филозофски факултет, претпоставувам по грешка, бидејќи сум на студент на Филолошки факултет, дали има нешто такво за Филолошки факултет што би требало да се уплати?

Плус, зошто е потврдата за уплатени 300 денари за испити од семестар? Или и ова важи само за Филозофски факултет?


...останува да почекам одговори кои веднаш ќе ги објавам. Дотогаш, мислам дека е подобро да почекаме пред да се запишеме.
ИКСА на УКИМ, односно Информатички, културни и спортски активности е нелогично да се плати на овој факултет. Нека ме поправи некој, но колку што јас помнам, ништо од тоа не сме имале. За филозофски прашањето, мислам дека е очигледно зошто го поставив. Можеби само во моите документи се појавило тоа, но за секој случај, подобро е да се праша. И навистина, ама навистина, не ми е јасно што е со уплатницата од 300 денари за испити од семестар.

Ако некој има инфорации, нека пише. Искрено, мислам дека доволно не‘ крадеа досега, со електронските индекси, оние уплатници кои требаше да ни обезбедат бесплатни копии, СПУКИМ, казните кои се двојно покачени и којзнае уште што, за и со вакви бесмислици да не‘ заморуваат.

Мејлот до ЕКТС службата е: ekts.sluzba@gmail.com

Поздрав,
Јуле.

П.С. Hunnuh, слободно премести го топиков во Инфо табла.

Тоа е Јуле Македонија.Smile Јас денес платив 3 000 ден плус од ратата на ФЛУ, за ИКСА на УКИМ, за библиотека(1200)...На сите факултети е истиот проблем, но очигледно сите ние само си расправаме помеѓу нас, или околу нас, но студенскиот глас [b]непостои.(?)

Не постои поради тоа што ние одлучуваме така.
Од студентски прашања сеуште нема одговор, ја препратив пораката, па ќе видиме.
Инаку, еве една корисна инормација од Слободен Индекс:


Почитувани колеги,

Вашиот самонаречен студентски застапник, Студентскиот Парламент, веќе со години наназад се богати од вашите џебови. Се работи за онаа уплатница од 100 до 250 денари (зависно од факултетот) која ве условуваат да ја уплатите секој пат кога сакате да упишете нов семестар. Уплатницата имено е за „членарина во Студентскиот Парламент“, иако вие лично најдобро знаете дека не сте член на таква организација, и дека многу е веројатно дури и да не сте чуле за истата. НЕ МОРАТЕ ДА ПЛАЌАТЕ ЧЛЕНАРИНА ЗА ОРГАНИЗАЦИЈА ВО КОЈА НЕ СТЕ ЗАЧЛЕНЕТИ. Доволно коли си купија и доволно забави во Б2 си организираа од вашите пари ценетиот претседател на Парламентот Медо и неговите со-крадачи!

Направете само пресметка: 200 денари (грубо) по (околу) 40.000 студенти е еднакво на 8.000.000 денари, што е над 130.000 евра годишно кои се слеваат на контото на Студентските парламенти од сите факултети на УКИМ.

Тоа се коси со уставот на државата, со законите за граѓански здруженија, како и со статутот на УКИМ.

Следниот пат кога тетките на студентски прашања ќе ви ја побараат оваа уплатница, одбијте да ја платите! Бојкотирајте го протокот на незаконски заработени пари и поштедете го својот џеб. Дури и Ректорот Велимир Стојковски самиот изјави: „Дел од парите што студентите ги плаќаат (тие 750 денари за ИКСА) веќе ги одвојуваме за Студенткиот Парламент. Ниту еден студент не треба да плаќа „задолжителна“ (каков парадокс!) членарина против своја волја.“