Kolokvium: dela za citanje

1. Пол Верлен - на македонски имаме само една книга - Есенска песна - во препев на Паскал Гилевски; има и тешко најдливи препеви на српски; треба да се обрне внимание токму на Есенската песна (сплин, Поезија на премини и меѓутонови), на Изнемоглост (песната во која се спомнува зборот декадентност), особено на Поетската уметност - манифестна не само по однос на неговото творештво (некои од неговите постановки - разработени и во еден текст што го имате во Umetnost tumačenja Poezija - ги прифаќа и Жан Мореас во неговиот Манифест на симболизмот), на В плач ќе прсне моево срце (беспричинска тага: „Овој траур е без смисла“ во нашиот ужасен, ужасен препев...), а и на Сон што го сонувам често (за минатите животи).

2. Стефан Маларме - на македонски имаме препев од Петар Т. Бошковски; има и на српски - пожелно е да се прочита тоа поради изобилството на коментари. Најважно е да се прочитаат Попладнето на еден фаун и Иродијада, но не само како два спротивставени погледи на свет (речиси дионисиски и аполониски): да се разгледа целосниот коментар и во македонското и во српското издание. Истото важи и за останатите песни на Маларме, всушност. Меѓу нив, особено на Прозорци (за погледот на свет преку прозорец) и на Фрлањето коцки никогаш нема да го укине случајот. Да се посвети внимание и на концептот за чистата Поезија.

3. Жорис-Карл Уисманс - Наспроти. Го има само на српски.

4. Жан Мореас - Манифестот на симболизмот (да се знае - дека доаѓа после повеќето дела што денес се сметаат за симоблистички: практично, и не му претходи на францускиот симболизам, туку само го оззаконува неговото постоење).

5. Морис Метерлинк - Сината птица. Ја имаме на македонски и мислам дека нема потреба од посебно појаснување: лесна е за читање и едноставна за разбирање. Убаво би било да се обрне внимание на новините што Метерлинк ги внесува во драмата: Сината птица е една од ретките симболистички драми, исто како што Наспроти е еден од ретките симболистички романи.

6. Рајнер Марија Рилке - најважно: Дуински елегии. На часот се концетриравме на седмата и деветтата, но, бидејќи се поврзани, ќе мора да се прочитаат сите десет. Коментарите во македонското издание се доста обемни и упатни. На Сонетите за Орфеј не посветивме многу внимание, така што мислам дека може само површно да се погледнат за овој колоквиум. Затоа пак, песните кои ни ги даде професорката треба внимателно да се исчитаат: Леда, Пантер и Pont du Carrousel особено. Орфеј. Евридика. Хермес. уште подетално: една анализа на оваа песна може да најдете и во Umetnost tumačenja Poezija.

7. Вилијам Батлер Јејтс - имаме на македонски свежи препеви од Богумил Ѓузел, но не знам колку се достапни. На српски има убаво издание - Кула - а на англиски (заедно со многу, многу коментари) повеќето ви се достапни на интернет. Најбитно е да се исчитаат Едрејќи кон Визант, Визант, Леда и лебедот и Второто доаѓање. Радо ги препорачувам Адамовото проклетство, Меѓу учениците, Нема втора Троја и Бегот на циркуските животни. И многу други, впрочем.

8. Александар Блок. Него ќе го работиме следниот час. На македонски имаме препеви од Блаже Конески (во посебна книга, но и во неговите собрани дела), а и од Ефтим Клетников. Сигурен сум дека нема да биде заобиколена Дванаесетмината а истата ја има во препев на Гане Тодоровски во едно многу старо издание. Не знам дали во меѓувреме некој се има зафатено на нов препев, но знам дека Клетников и Конески немаат направено нешто такво. Ќе видиме: Слаѓана ќе ни каже за петнасетина часа.